Irungo ahotsek hartuko dute Milagrosako kapera, gaur iluntzean. Ametsa abesbatza etorriko da, Kantuzek gonbidatuta, eta emanaldia eskainiko du, 19:30etan hasita.
Egitarau erlijiosoa prestatu du abesbatza irundarrak, bere sorreraren 60garren urteurrenean, eta hamabi piezako kontzertua izango da. Besteak beste, kantatuko dituzte O Bone Jesu, Domine Jesu Christe, Crucifixus, Ama begira zazu, Oi Lore maitea edota Errotazaia. Kantuz abesbatzak datorren urteko otsailean bueltatuko die bisita, Irunen abesteko.