Sagardo lehiaketako finala da gaur

KIzkia Taldeak sagardo lehia­keta antolatu du aurten ere eta iritsi da azken egunera. Gaur jokatuko da txapelketaren finala eta sei sagardotegi onenak izan­go dira lehian. 14:00etatik aurrera izango da Astiga­rra­gako Gure Izarra elkartean, bazkari eder baten bueltan. Hiru sailkapen egun izan dira, hilabete honetan zehar, eta azkenean seik bakarrik lortu dute finalerako pa­sea. Iaz, Astigarragako sa­gar­doa nagusitu zen. Alo­rreneak ira­bazi zuen, pasa den astean Hernaniko Txan­txan­gorri el­kar­tean bezala.
Aurtengoa 18garren edizioa izan da, eta guztira 19 sagardotegik hartu dute parte Hernanitik Itxasburu, Aka­rre­gi, Larre-Gain; Adunatik Za­ba­la eta Aburuza;  Usurbil­etik Ur­daira; Oiartzunetik Ordo-Zelai; Urnietatik Eula eta Oia­nume; Aiatik Izeta;  Astigarra­gatik Petritegi, Artola, Alorre­nea, Rezola eta Larrarte; Do­nos­tiatik Astiazaran eta  Ka­lon­ge; Lizartzatik Goikoetxea eta Asteasutik Sarasola.
Sagardotegi guztietako ordezkariak egongo dira elkar­­tean sagardoak dastatzen eta taldekideek aukeratuko dute gustokoena. Prestatuko den janaria urtero bezala legatza eta oilasko hegoak izango dira. yy