Gipuzkoako 41 sagardoren artean ari da jokatzen, Gipuzkoako Sagardogileen Elkarteak hirugarrenez antolatu duen Euskal Herriko Sagardo Txapelketa Herrikoia. Irailean hasi zen, Ordizian, eta bihar jokatuko da finala, Azpeitian.
Hernani eta Astigarragako sagardorik ba ote, finalean?
Txapelketa hasi zuten 41 sagardoetatik 12 iritsi dira finalera, eta tartean, Hernani eta Astigarragakoak egon daitezke. Baina hori ez da jakingo, bihar finaleko emaitza eman ondorenera arte.
Hain zuzen, Azpeitiako Berdura Plazan, 20:00etan hasiko den afariaren bueltan erabakiko da zein den sagardo onena. Edonork hartu dezake parte afarian, eta epaile lanak egin. Horretarako, 32 euroan saltzen dira afari txartelak: 943 33 68 11 edo gipuzkoakosagardoa@gmail.com.