Bi mozio aurkeztu ziren astearteko Plenoan, Kataluniari babesa adierazteko; EH Bildurena bata, bere aldeko botoekin onartu zena, eta EAJk eta Orain Hernanik aurkeztutakoa bestea, aldeko nahikoa boto jaso ez, eta onartu ez zena.
Sozialistek Plenoan bertan azaldu zuten ez zutela parte hartuko mozioen bozketan, eta zergatia azaldu dute prentsa ohar bidez.
«Arduragabekeriaz jokatzen ari diren politikarien jokoa jarraitzea da»
Ricardo Crespo, PSE-EEko bozeramaileak azaldu du ez dutela bozketan parte hartzen, «arduragabekeriaz jokatzen ari diren politikarien jokoa jarraitzea» litzatekeelako; «bai independentistena, eta baita PPrena ere. Batzuk katalanen asmoekin jolasten ari dira, eta Kataluniatik kanpoko hauteskunde emaitzak besterik ez zaizkie inporta; eta bestei, independentisten nagusitasuna, Katalunian».
«Pena da, Kataluniaren inguruan egiten ari diren soinu honek balio izatea, bakarrik, ustelkeria kasuak ezkutatzeko»
Giltza, hitz egitea
Sozialistek diote hitz egitea dela Kataluniako gizarteak bizi duen konfrontazio egoerari aurre egiteko modua. «Gure eskubideak legalitatearen baitan gauzatu behar dira, baina Puigdemonten gobernuak hortik kanpoko legegintzaldia sortu nahi izan du; hala ere, Kataluniako arazoari erantzuna emateko modu bakarra, hitz egitea da, baina PPk ez du bide hori jarraitu nahi izan».
Hernaniko PSE-EEk uste du «ez Rajoyk eta ez Puigdemontek hitz egiteko asmo zintzorik ez» dutela, eta gaineratu du, hori dela bidea. Azken batean, dio: «pena da, Kataluniaren inguruan egiten ari diren soinu honek balio izatea, bakarrik, ustelkeria kasuak ezkutatzeko».