Txupinazoarekin batera hasiko dira 2017ko Lizeagako jaiak. Gaur arratsaldeko 18:00etan izango da hori, eta jarraian etxeko txikienei zuzenduta puzgarriak izango dira.
Gaur hasita, festa giro itzela nagusituko da Herna-niko Lizeaga auzoan, eta hainbat ekintza antolatu dira datozen 3 egunetarako. Ekintzok publiko guztiari begira prestatu dira, noski: haur eta gazteentzat ekintzak izango dira, txapelketa eta lehiaketak ere antolatuko dira, koadrilen afari eta herri-bazkaria, musikarik ez da faltako, eta adinekoek ere izango dute jai hauetan protagonismoa.
Zenbait ohar
Larunbateko sagardo-dastaketarako edalontziak 2 euro balioko ditu. Egun bereko koadrilen afarirako jatekoa norberak eraman behar du. Eta igandeko herri-bazka-rirako txartelak (12 euro) Bodega Riojana, Aitan-Etxe, Pacheco, Lizarra eta Lizeaga tabernetan salduko dira.
LIZEAGAKO JAIAK 2017
Egitaraua - Gaur
18:00, Txupinazoa eta puzgarriak
19:30, Aerorrumba eta marrazki-lehiaketarako materialen banaketa (gaia: auzoa).
22:30, Tute-txapelketa Aitan-Etxe tabernan.