Kataluniako egoerak bero-bero jarraitzen du; lau egun besterik ez dira geratzen iganderako, Kataluniako Gobernuak antolatu duen kontsultarako, data horren bueltan, bertan gertatzen ari dena aztertzeko mahai-ingurua egin zuen atzo Hernaniko Gure Esku Dagok. Garbiñe Biurrun, Patxi Zabaleta eta Paul Riosi esker, egun horretatik aurrera, Katalunian jokoan dagoena ezagutarazteko aukera izan zuten Biterira gerturatu ziren herritarrek.
Elkartasuna, pintxopotean
Ildo beretik, gaur elkartasuna adierazteko beste ekintza bat antolatu du Gure Esku Dagok. Ondorengo tabernetan, pintxopotea egingo dute arratsaldetik: Apeadero, Aralar, Atxur, Caserio, Deportibo, Egoki, Garin, Goiz Argi, Guria, Haida, Horbel, Joxe Mari, Kitto, Kixkal, Oindi, Tamer, Txili, Txoko, Zinkoenea eta Zintzarrin.