Garaiezinaren bila gaurtik, ETB1 eta Denontzat

Oztopo lasterketetan ezagun egin da Ismael Mateo her­na­nia­rra; berak daramaki De­non­tzat Gimnasioa, Etxeberri au­zoan, eta modalitate ho­ne­ta­ko lasterketetan munduko txa­pelduna da. Orain, gainera, ETB1en gaur bertan estrei­na­tuko den Izan Invictus saioko partehartzaileen entrenatzaile ere bada. Atzo aurkeztu zuten reality berria, gimnasioan.

‘El Consquistador del Fin del Mundo’ baino gogorragoa
Aurkezpenean izan ziren Ismael Mateo bera; Gorka Garcia, ETBko Arte eta Programa zuzendaria; Patxi Alonso, Hostoil ekoiztetxeko produktorea; Julian Iantzi, saioaren aurkezlea; Joxean Goñi, saioaren zuzendaria eta El Conquis saioan ezagun egin zen Gorrotxa partehartzailea.
Hain zuzen, saio hau El Conquis bera baino gogorragoa dela aipatu zuen Gorrotxak; «Gehiago sufritu dut. Egin dudan gauzarik gogorrena izan da, baina gustura geratu naiz. Sasoian jarri naiz, eta horrela segitzeko asmoa daukat!».
Saioaren helburua da 18 par­tehartzaileen arteko elkar­bi­zitza eta lehia gogorra era­kus­tea, eta garaiezin bat izen­da­tzea. Horretarako, Ismael Ma­teoren entrenamendu go­go­rren ondoren, proba are go­go­rragoei egin beharko diete au­rre, Denontzat Gimnasioan eta Euskal Herriko hainbat paraje ederretan.
Hain zuzen, horixe ere az­pi­marratu zuten: «Realitya gure hiz­kuntzan eta etxean ekoitzi ahal izan dugu». Asko ha­rri­tuko direla zin egin zuten.