Beste urte batez, Leokako labaderoa hartu dute emakume artistek, Emakumeen Jabetze Eskolaren ikasturte berriaren hasiera, ofizialki irudikatzeko. Hain zuzen, Iosune Marin hernaniarra eta Olatz Prat azpeitiarra izan ziren larunbat gauean, aurtengo protagonista nagusiak.
Hortaz, ikasturte berriari ekiteko prest dira emakumeak, eta horretarako, urriaren 5era arte izango dute aukera Jabetze Eskolak aurreneko seihilerako eskaintzen dituen zazpi aukeretan, gehien erakartzen dien horretan izena emateko.
Ikasturte osokoak, egun batekoa, pare bat jardunaldikoak...
Oraingo honetan ere, aukera anitza izango dute herritarrek, bai gaiaren ikuspuntutik, baita egun kopuruaren aldetik edota prezioari dagokionez ere. Horrela bada, badaude ikasturte osorako proposamenak (Batukada feminista eta Munduko emakumeen literaturarena, kasu) edota egun bateko hitzaldiak ere. Baina baita diru kantitate bat ordaintzea eskatzen dutenak, eta debalde direnak ere, herritar orori egokitzeko modukoak.
Dena den, izena ematea izango da horietan baldintza amankomuna. Urriaren 5era arte izango da aukera, Berdintasun Sailarekin harremanetan jarrita: Plaza Feministako lokalean (Aristizabal kalea, 7) , 943 33 70 17 edo emailez, berdintasuna@hernani.eus-en.
- Emakumeen nortasuna eta subjetibitatea. Konfiantza indartzeko bidea. Norbere ardatzetik jarduteko estrategia. Azaroaren 7, 14 eta 21ean, arratsaldeko 18:00etatik 20:00etara, Biterin. Irakaslea: Arantxa Erasun Urtzalaieta. Hizkuntza: euskera. Prezioa: 6 euro.
- Menopausia. Beste erronka bat gure bizitzetan. Hitzaldia. Azaroaren 16an, osteguna, arratsaldeko 18:00etan, Biteri kultur etxean. Hizlaria: Amaia Vazquez Eguzkitza. Hizkuntza: euskera. Prezioa: doan.
- Kulturartekotasuna eta generoa: nik ere baditut ikasketak. Nola homologatu? Azaroaren 29an, arratsaldeko 18:00etan, Plaza Feministan. Irakasleak: Katia Reinberg eta Soraya Ronquillo (Bidez Bide Elkartea). Hizkuntza: gaztelania eta arabiar klasikora aldibereko itzulpengintzarekin. Prezioa: doan.
- Feminismoak: ekonomia feminista. Urriaren 23 eta 30ean eta azaroaren 6an. Arratsaldeko 18:00etatik iluntzeko 20:00etara, Plaza Feministan. Irakaslea: Saioa Zerain Alvarado (Emagineko kidea). Hizkuntza: euskeraz. Prezioa: 16 euro.
- Haurdunaldi subrogatua. Abenduaren 13an eta 20ean. Arratsaldeko 18:00etatik iluntzeko 20:00etara, Biteri Kultur etxean. Irakasleak: Itziar Alkorta Idiakez eta Maite Asensio Lozano. Hizkuntza: euskeraz. Prezioa: doan.
- Kultura birdefinitzen. Munduko emakumeen literatura: Amerikar kontinentea. Ostegunetan, urria eta ekaina bitarte: urriaren 5ean eta azaroaren 2an eta 30ean; urtarriletik aurrerako datak zehazteke. Arratsaldeko 18:30etatik 20:30etara, Plaza Feministan. Irakaslea: Mertxe Tranche Iparragirre. Hizkuntza: gaztelaniaz. Prezioa: 18 euro.
- Batukada feminista. Ostiraletan: urriaren 6 eta 27an, azaroaren 17an, abenduaren 1 eta 22an, urtarrilaren 19an, otsailaren 2 eta 16an, martxoaren 2 eta 16an, apirilaren 13 eta 27an, maiatzaren 11 eta 25ean, eta ekainaren 8an. Arratsaldeko 17:30etatik 19:30etara, Langile ikastolako Laubidieta eraikinean. Irakasleak: Arantxa Vicedo Rubio eta Ainara Sarasketa Alberdi. Hizkuntza: euskeraz. Prezioa: 30 euro.