Mugitzeko ohitura berriak eta halaber, jasangarriak bultzatzea da Europako Mugikortasun Astearen helburuetako bat, eta hala egiten da Hernanin ere. Patinak, Ipar Martxa, Kirol Egokitua... denetarik izan da herrian azkeneko hamar egunetan. Eta bihar bukatuko da aste berezia, beste garraio batekin, bizikletarekin, hain zuzen.
Atsegindegi eta Plaza Berri, topaleku
Bi gurpilen gainean izango da Mugikortasun Asteko azkeneko festa, bizikletarena. Goizeko 09:30etatik aurrera izango dira ekintzak, bi lekutan: Atsegindegin eta Plaza Berrin.
Plaza estalian egingo dute Bide Heziketa zirkuitua, herriko Udaltzaingoaren laguntzaz. Eta Plaza Berrin, bi ekintza izango dira: Bizikleta ibilaldia hasiko da handik, eta Bizibusak informazio gunea jarriko du herritarrentzat.