Denboraldi berri bati ekingo diote gaur, Astigarragako saskibaloi taldeek. Zehazki, gizonezkoen taldeak izango dira, martxan jarriko direnak, eta etxean egingo dute debuta.
Arratsaldeko 18:00etan jokatuko du Gipuzkoako 1go mailako taldeak, Irungo Erroibideren kontra. Aurreko urtean, galdu egin zuten partidu hori astigartarrek, baina aldiz, irabazi egin zuten Irunen jokatu zutena. Beraz, garaipenaren bila aterako dira gaur, denboraldia modu onenean hasteko.
Aurretik, bigarren mailakoak
Lehenengo mailakoen aurretik, Gipuzkoako bigarren mailakoek jokatuko dute, 16:00etan hasita, Ganbararen kontra.
Eta juniorrak ere 16:00etan ariko dira, Internacional taldearen kontra, baina La Salle kiroldegian jokatuko dute.