Kataluniari, elkartasuna eta babesa

Kataluniako herriari «elkartasuna eta babesa» adierazteko, eta «Espainiar estatuaren errepresio-aldia» salatzeko, kon­tzen­trazioa deitu zuen Astiga­rragako EH Bilduk, asteazken arratsaldean: «Madrilgo Gober­nuak, indarra eta interbentzio militar eta politikoan oinarrituta, Generalitataren aurka, eta oro har Kataluniako autonomia bahitzeko egindako erasoaldi errepresiboa salatzen du EH Bilduk», adierazi dute.
Eta gaineratu dute, Kata­lu­nia defendatuko dutela, euskal herritarren eskubideak ere jo­ko­­an daudelako, eta Euskal Herria defendatzea ere badelako: «eus­kal herritarrek, une historiko honen tamainako erantzuna eman behar dute. Urriaren 1eko Erreferendumaren aldeko erabateko babesa adierazten dugu, ezin zaizkiolako mugak jarri herritarren borondateari».
Eta gaineratu dute: «egoera honek erakusten du, ez dagoela Estatu espainola demokratizatzerik, eta demokrazian sa­kontzeko bide bakarra, indepen­dentzia dela. Horregatik, eskubide demokratikoen berme ba­kar gisa, euskal herritarrek ere Euskal Estatua sortzea ezinbestekoa da».
Kontzentrazioaz gainera, mozio bat ere aurkeztu du EH Bilduk udaletxean, erreferenduma babesteko; eta dei egin die herritarrei, datorren asteazkeneko Plenora azaltzeko.