Europako Mugikortasun Astea aurrera dijoa, eta asteburu honetan borobilduko dute jardunaldia azkeneko bi ekintzekin. Gaur izango da Kirol Egokituaren ginkana, eta etzi, Bizikleta Festa.
Ezintasunen bat duenaren lekuan jartzeko, aukera
Koxka elkartea, Kemen, Hernades eta AGI elkarteek elkarlanean antolatu dute gaurko Ginkana egokitua. Atsegindegin izango da, arratsaldeko 17:30etatik 19:30etara, eta denetarik egongo da: ezgaitasun desberdinei lotutako hainbat ariketa; pintura tailer bat, txikinenetzat; txokolatada, denontzat; aurpegi margotzaileak; eta opariak, ariketetan parte hartu dutenentzat.
Antolatzaileek gazte nahiz helduak animatu dituzte ekintzetan parte hartzera: «jolasaren bidez sentsibilizatu daitezen», azaldu dute prentsa-ohar baten bidez.
Bizkleta Festa, etzi
Eta bukatzeko, igandean, etzi izango da Mugikortasun Asteari bukaera emango dion Bizikleta Festa. Goizeko 09:30etan hasiko dira: bizikleta ibilaldia Plaza Berritik; BiziBusaren informazio-gunea, leku berean; eta bide-heziketa zirkuitua, Atsegindegin.