Asteburu polita izan da pasa dena CD Hernaniko atletentzat. Horien artean, emakumeak nagusitu dira hainbat zitetan. Larunbatean izan zen Zaldibiako VIIgarren Herri Krossa, eta bertan bigarren izan zen Maitane Guerrero, 7 kilometroko ibilbidea eginda.
Hurrengo egunean, hirugarren izan zen Eva Esnaola Plazaola maratoiaren bigarren edizioan, Leizarango aranetik Lekunberri eta Andoain artean pasatzen den horretan. 03:12:06 denborarekin osatu zuen ibilbide osoa. Emakumeen artean, Maite Beguiristain eta Idoia Esnaolak ere bukatu zuten maratoia. Gizonen artean, aldiz, hirugarren izan zen Sergio Uzkudun hernaniarra, 02:51:33 denborarekin.
Bigarren Ibai Alba, maratoi erdian
Bestalde, egun berean Plazaolan maratoi erdia egiteko aukera ere izan zen, eta bertan, bigarren izan zen Ibai Alba hernaniarra, 01:28:13 denbora eginda.