Urtero ahalegin berezi bat egin ohi dute Udalak eta herriko hainbat elkartek Mugikortasun Astean zehar mugitzeko modu anitzak daudela erakusteko, eta horren erakusle da, besteak beste, biharko Kirol Egokituko ginkana.
Kasu honetan, Koxka elkarteak, Kemenek, Hernadesek eta AGI elkarteak antolatutako ekintza da, eta helburua da ezintasunen bat daukan pertsonaren lekuan jartzen ikastea, eta sentsibilizatzea. Bihar izango dute, beraz, ekintza horietan parte hartzeko aukera gaztetxo nahiz helduek, arratsaldeko 19:00etatik aurrera, Atsegindegin.
Arratsaldeko 19:00etatik aurrera, gazte nahiz helduek parte hartu ahal izango dute.
Dei berezia, herriko helduenei
Herritar orori dago zuzendua ginkana, baina antolatzaileek dei berezia egin eta animatu nahi izan diete helduei: «ariketetan parte hartu dezaten, eta jolasaren bidez, sentsibilizatu daitezen».