Irailaren 16tik 22ra ospatzen ari da aurten Europako Mugikortasun Astea, baita Hernanin ere. Aurreko asteburuan hasi ziren ekintza bereziak Patin Festa eta Ipar Martxarekin, eta aste honetan izango du segida. Hain zuzen, ostiralerako jarri du Kirol Egokiturako zita Koxka Elkarteak, eta igandean izango da Bizikleta Festa.
Arratsaldez, ostiralean; goizez, igandean
Ezintasunen bat daukatenen lekuan jartzea izango da Kirol Egokituaren ginkanaren helburua, 17:30etatik aurrera Atsegindegin. Igandeko jardunaldia, aldiz, goizez izango da. Plaza Berrin eta Atsegindegin izango dira ekintzak, goizeko 09:30etatik aurrera.