EUSKAL JAIEK gaur izango dute jarraipena, ekitaldi ugarirekin. Abeltzain azokak emango dio hasiera egunari, eta baserriko lanbideen erakustaldia ere egingo dute. Talo dastatzea, Antzinako Jokuak, txakolin dastatzea, Kalez Kale Kantari, erraldoi eta buruhaundiak, herri kirolak, haurrentzako tailerrak, erromeria, Musika Bandaren emanaldia, dantzaldia Iratzar taldearekin... denetarik egongo da.
Bihar ere jarraituko du festak, eta ikuskizun nagusienetakoa izango da, Hika Teatroak eta Oinkari Dantza Taldeak elkarlanean eskainiko duten Sagartu emanaldia.
Agurtzane Intxaurraga zuzendariaren lana ikusgarria da, eta plazarako sortu den antzezlana dela aipatzen du, «Hernanin ongi ulertu eta txertatuko dena».
Sagarra gai hartuta egin dute obra: «Sagar zerutiarra. Paradisuko garaietatik datorkigu sagarrarekiko lotura. Sagar ustela. Edurne Zuriren amaordeak ere sagarra aukeratu zuen. Sagar gorria, odolaren kolorekoa. Sagar perfektua. Japonian sagastiek distira egiten dute urrutitik. Itsutzeraino. Alumino-paperez babesten dituztelako sagarrak banan-banan eguzkiarengandik. Denak perfektu. Sagarra kosk, sagarra jan, sagarrari dantza... historian zehar milaka erreferentzi daude sagarrarekiko, eta gurean ere oso garrantzitsua izan da».
EUSKAL JAIAK
GAUR, larunbata
10:00, Abeltzain azoka eta
baserriko lanbideen erakustaldia, Tilosetan.
11:00, Talo dastatzea, Iturriagan.
11:30, Antzinako jokuak, Tilosetan.
12:00, Txakolin dastatzea, Iturriaga kalean.
12:00, Kalez Kale Kantari, Plaza Berritik abiatuta.
12:30, Erraldoi eta buruhaundiak.
12:30, Herri kirolak, Tilosetan.
17:00, Haurrentzako tailerrak,
jolasak eta txokolate jatea, Plaza Berrin.
18:30, Erromeria Jeiki Hadi taldearekin, Atsegindegin.
19:45, Musika Bandaren emanaldia, Udaletxeko arkupeetan.
20:30 eta 23:00, Iratzar taldearen dantzaldia, Tilosetan.
BIHAR, igandea
Sagarra eta Sagardoaren Eguna, Gudarien Plazan
09:00, Diana, Txistulari Bandarekin.
10:00, XXXVIII Pablo Lasa Artisau Azoka, Plaza Berrin.
11:00, Sagardo dastatzea, Plazan.
12:00, Pelota partiduak (eskuz eta palaz), Tilosetan.
12:00, XX. Trikitixa Txapelketa, Gudarien Plazan.
19:30, Sagartu, Oinkari dantza taldea eta Hika Teatroarekin, Tilosetan.