Hiru zita jarri dituzte urrian, azaroan eta abenduan, Mendialdeko herritarrek, tartean goizuetar eta aranoarrek NANa egin edo berritu dezaten. Urriaren 10ean, azaroaren 10ean eta abenduaren 12an eskainiko dute zerbitzua Leitzan. Horretarako, aldez aurretik hitzordua eskatzea ezinbestekoa izanen da 948 012 012 telefonora dei eginez. Azaldu dute txanda bakoitzean gehienez 35 laguneko zerrenda eginen dutela, eta zerrenda bat osatzen denean, hurrengo txandarako hitzorduak emanen dituztela. Pasaportea, ordea, ezin izanen da orduan egin edo berritu.