Bazkaritarako 300 lagun gaur, Julenerekin bat egiteko

Tinko eutsi dio Xabier Sa­lillasek hitzari, eta Juleneren aldeko festaren bigarren egun honetan, zintan korrika se­gitzen du, hanka-hutsik! Edo­nor animatu daiteke, ondoan korrika artizera.
Atzo hasi zen festa, eta Sa­lillasen erronka hasieraz  gain, musika emanaldiak, kale fut­bola, zunba saioa eta patata tortilla eta sardina jateak ere izan ziren. Antzolatzaileen esa­netan, «jendearen laguntza ezinbes­te­koa da; denon artean errazagoa eta politagoa izango da festa». Hain zuzen, gero eta jende gehiago, orduan eta err­a­­zagoa izango da Juleneri diag­nos­tikatu zioten gaixo­tasun arra­roa izenekoaren in­guruko sentsibilizazioa landu eta tra­ta­menduetarako dirua biltzen laguntzea. Da­goe­ne­ko es­ke­rrak ematen ere ha­siak dira: «Ika­tza taberanari, tiketak sal­tzen lagun­tzea­ga­tik» batetik, eta he­rritar guz­tiei, dagoeneko fes­tan parte har­tzen ari­tze­a­ga­tik: «300 la­gun izango gara ba­z­karian! Izu­garria izango da!». Beraz, horrela jarraitu ahal izateko beste hamaika eki­taldi izango dira gaur. 

«Jendearen laguntza ezinbestekoa da; denon artean errazagoa eta politagoa izango da festa»

Gaurkoa ere, itzela izango da
Bigarren eguneko ekintzak hasteko diana­ren ostean, haurrentzako jo­lasak izango dira Foru Plazan, eta jarraian, Emarri eta Her­naniko Ema­kume Errugbila­ri­ak harri tiran arituko dira. 
Eguerdian, berriz, herri bazkariak hartuko du pro­ta­go­nis­moa; 300 lagunek erosi dute txartela, eta antola­tzai­leak oso pozik agertu dira: «herriak lanerako gogoa duela erakutsi du». Egitarauan aldaketa txiki bat egin dute, eta beraz, Aiztondo abesbatzak ere bazkaritan egingo du kantuan, herritarrekin batean.
Behin indarrak hartuta, arratsaldean haurrentzako pailazoen ikuskizuna izango da Herri Eskolako patioan, eta kontzertuak izango dira gero. 
Eta ondo hasitakoak, ondo behar du bukatu. Hortaz, DJ Lander eta Juleneren ema­naldiak festari amaiera eman­go diote.

JULENEFEST - GAURKO EGITARAUA

Irailak 16, larunbata
09:30, Diana berezia, Txirriskla txistulari 
taldearen eskutik.
11:15, Foru Plazan, haurrentzako jolasak.
12:30, Foru Plazan, harri tira: Emarri eta Hernaniko Emakume Errugbilariak.
14:00, Herri bazkaria. Bazkaldu bitartean Aiztondo abesbatzak lagunduta herri kantak abestuko dira.
16:30, Autumn bakarlaria.
16:30, Pailazoak, Herri Eskolako patioan.
17:30, Errifen zozketa.
18:30, Kontzertuak:  Pinotxet (Astigarraga),  Lappa (Urnieta),  Crowd (Bilbo). 
Tartean, Xabier Salillasen erronka amaiera.
20:30, DJ Lander eta Julene.
21:30, Festa amaiera.
Laguntza ekonomikoa: 3035 0214 32 2140023495