Ostegunean hasi zen Gipuzkoako Txapelketa, eta dagoeneko hiru bikote hernaniarrek egin dute debuta. Beste zazpi bikotek, berriz, asteburu honetan hasiko dute torneoa.
Gaur jokatuko dute Lizeagak eta Labakak, nagusien lehenengo mailan, Tolosaren kontra; 11:00etan Beotibarren.
Hernanin, berriz, herriko sei bikotek jokatuko dute: gaur 11:00etan, Perurena eta Tejedor kadeteak, Lapkeren kontra; eta segidan, 11:30etan, Apaolaza eta Insausti II, Goierriren kontra, kadeteetan horiek ere. Arratsaldean, berriz, Salaberria eta Zugasti jubenilak Epleren kontra ariko dira 16:00etan, eta Pagola eta Arizmendi seniorrak, Lagunaken kontra 16:30etan.
Bihar jokatuko dute Lazkano eta Berasarte seniorrek, Hernanin 11:00etan, Intxurreren kontra. Eta bihar ariko dira Uitzi eta Oiartzabal kadeteak ere, baina 10:00etan Tolosan.