Euskera ikasi edo hobetu nahi duten herritarrak animatu nahi izan ditu Udalak, AEK euskaltegian izenematera. Babes hori adierazteko, euskaltegira bertaratu da Urkiri Salaberria euskera zinegotzia, eta Udalak emango dituen dirulaguntzen berri ere eman du.
Matrikularen %100 edo %75 ordaintzeko laguntzak
Dirulaguntzak eskatu edo hauen inguruko informazioa eskatzeko, kultur etxeko bigarren pisura jo behar da, edo bestela, AEKn, 607 610 687 telefonoan edo astigarraga@aek.eus helbidean galdetu daiteke. Aurreko urteetan bezala, arazo ekonomiko larriak dituztenek eta agiri bidez justifikatzen dutenek matrikularen %100 jasotzeko aukera izango dute; baita 12 urtera arteko haurrak dituzten gurasoek, langabezian daudenek eta merkatariek. Gainontzeko herritarrek, %75eko laguntza jaso ahal izango dute.
Eskaintza zabaltzen
AEK euskaltegiak, bestalde, eskaintza zabaldu du aurten, eta ohiko ikastaroez gain, C2 mailako egiaztagiria lortzeko aukera ere emango du.