Euskal giroa ez da faltako Hernanin

Hernaniko Euskal Jaiak gaur hasiko dira, eta hiru egunetan luzatuko dira herriko txoko desberdinetan. Festa giroa jar­tzen lehenak, Pirritx, Porrotx eta Marimotots izango dira, gaur, umeen gozamenerako. ‘Hernani’ Musika Eskola Pu­bli­koko akordeoi taldeak anto­latzen du, eta arratsaldeko 18:00etan hasiko dira. 

Baina festak ez du etenik, eta bihar eta etzi, hamazazpi ekintza desberdin antolatu dira, beti ere baserria eta eus­kal munduarekin lotuta. Bat ezin da bestearen gainetik goraipatu; baina azken egu­ne­an, Euskal Jaiak itxiko ditu Sagartu antzezlanak, Oinkari dantza taldea eta Hika Teatro taldearekin. Eguraldi txarra eginez gero, ekintzak Atse­gin­degin izango dira.