Bilerara deitu zituzten, gaia garrantzitsua baitzen. Hilaren 1ean, ostiralean, Galtzaur Jubilatuen Etxeko zuzen-daritzak bilarara deitu zituen elkarteko bazkideak. Obren nondik norakoez hitz egin zuten, noski, eta mugimedu guztien gaineko informazioa emateaz gain, «pazientzia» izateko eskatu zien zuzen-daritzak elkarteko bazkideei.
Izan ere, beraien eskuetan dagoen guztia egiten ari diren arren, egoera ez da batere erraza bazkideentzat. Horietariko asko beste leku batzuetara joaten hasiak dira, baina ez omen dira horren gustura eta eroso sentitzen. Aipatu behar da, behin behinekoa izan zitekeen beste lokal baterako eskaria egina daukala elkarteko zuzendaritzak, baina erabilgarri legokeen besterik ez dela erantzun ziola Udalak.
Orain artekoa baino txikiagoa
Aurrera doaz, beraz, pixkanaka-pixkanaka Galtzaurreko obrak, eta zuzendaritzak hala esanda, txikiagoa izango omen da jubilatuen etxe berria. Aldaketa guztien arrazoia, noski, legeek halaxe eskatzen dutelako da.