Datorren astean egingo dute, Urnietako Lekaio kultur etxean, Elkarbizi programako hurrengo saioa; 2017ko programako bosgarrena izango da.
Arratsaldeko 19:00etan jarri dute hitzordua, eta jorratuko duten gaia, honakoa: Euskal gizartea indarkeriaren aurrean, ikerketa psikosoziologikoa. Horri buruz hitz egiteko, bertan egongo dira Magdalena Bobowik eta Maitane Arnoso, EHUko Gizarte Psikologia Saileko ikerlariak.
Izenematea zabalik, emailez
Saioan parte hartzeko, plazak mugatuak dira, Ganbo Iturri elkarteak gogorarazi duenez. Horregatik, aurrez eman beharko da izena. Gaur zortzi arte, irailaren 18ra arte hain justu, izango da apuntatzeko aukera; beti bezala emailez, ganboiturri@gmail.com helbide elekronikora idatzita.