Kultura arloko taldeak ere ikasturtea hastera doaz datozen asteetan, eta orain, plazaratu dituzte beren proposamenak herritarrek izena eman dezaten.
Hainbat aukera daude herrian bertan: euskal dantzak eskaintzen ditu Astigar taldeak; Pintura eta marrazketa Astigartek; eta Emakumeentzako Txi Kung eta Askotariko tailerrak, Harituz elkarteak.
Datorren asteazken eta ostegunean eman daiteke izena euskal dantzetan.
Izena emateko, hainbat bide
Horietan izena emateko, elkarte edo talde bakoitzak bide propioa ezarri du.
Astigar dantza taldeak, adibidez, datorren asteazken eta ostegunean ezarri ditu matrikulaziorako zitak: arratsaldeko 19:00etan izango dira dantza taldearen lokalean (Santio Zeharra, 7 zenbakian).
Pintura eta marrazketan trebatu nahi duenak, hilaren 23 eta 30ean jarri ditu zitak Astigartek, kultur etxean izango dira, goizeko 10:00etatik eguerdiko 13:00etara, izena eman edo beraiekin hitz egin nahi duenarentzat.
Harituz elkarteak, aldiz, telefono bat jarri du astigartarren zerbitzura. Txi Kungan apuntatzeko, 610 202 268 zenbakira deitu behar da; tailerretan izena emateko, aldiz, 630 676 474 telefonora.
Kultur etxean, bost aukera
Bestalde, Kultur etxeak ere bost aukera eskaini ditu: dantza latinoen hastapena eta aurreratua, ebaki eta josi, yoga eta zura tailatzea.