Argazki erraldoi baterako deia luzatu die Hernaniko Gure Esku Dagok, herritar guztiei, Kataluniari elkartasuna agertzeko: «erabakitzeko eskubidea defendatzen dugulako, Kataluniarekin gaude, bai Diada egunean, irailaren 11n, bai erreferendumean, urriaren 1ean, eta baita etorkizunean ere, gure elkartasuna behar dutenean», adierazi dute.
Eguerdiko 13:15etan elkartuko dira Plazan, udaletxearen aurrean, argazkia ateratzeko.
Bestalde, deia egin dute, baita ere, datorren larunbatean, irailaren 16an, Bilbon egingo den manifestazioan parte hartzeko.