Astebete falta da Hernani Errugbi Taldeko lehen taldeak Ohorezko Mailako liga hasteko eta prest egoteko aurredenboraldiarekin jarraitzen du Polidoriren zuzendaritzapean. Gaur, 17:30etan jokatuko du Iparraldean, Kanbon, bertako taldearen aurka.
Aurreko astean Landaren jokatu zuten Union Barbezieux Jonzac-en aurka eta 19-26 galdu zuten. Aurtengo ligako lehen norgehiagoka Cisnerosen aurka izango da Landaren datorren larunbatean. Hasiera batean kanpoan jokatu behar zuen Hernanik, baina Landarera aldatu da.
Bigarren taldea gaur Landaren
Txinparta bigarren taldeak ere partidua jokatuko du gaur, baina hauek Landaren. Aurrez aurre La Unica B talde iruñearra dute eta hain justu Liga ere beraien aurka hasiko dute iraileko azken egunean.