Aurten ere jarri du zita Stock Azokarekin, Berriak merkatari eta ostalarien elkarteak. Gaur eta bihar jarriko dituzte postuak herriko komertzioek, Plaza Berrin; eguraldi txarra eginez gero, Atsegindegin izango da.
Goizean, 10:00etan hasi eta 14:00ak arte egongo dira zabalik; eta arratsaldean, 16:00etatik 20:00etara bitarte.
Udako arropa eta osagarriak, beherapenekin
Nabarmendu dute, «aukera paregabea» izango dela, udako arropa eta osagarriak beherapenekin eskuratzeko. Udako txolloak aurkituko dituzte azokan, beraz, gerturatzen direnak. «Pasa zaitez bertatik, eta aprobetxatu!», animatu dituzte herritarrak.