Bi ekintza nahikoak izango dira gaur arratsaldean, Zikuñagako jaiak pizten hasteko. Palan eta futbolinean arituko dira auzotarrak, igandera arte luzatuko diren festei hasiera emateko.
Haurren pala txapelketa jokatuko da aurrena, arratsaldeko 17:00etan hasita. Eta ondoren, Zikutxampions futbolin torneoa izango da jokoan. Bertan arituko dira lehian, Zikuñagako futbolin ligan ondoen aritu ziren bikoteak.
Bihar ere izango da ekintzarik, eta bete-betea dator ostiral arratsaldea, asteburu potoloaren aurrerapen gisa.
Igandean egingo dute paellada, eta txartelak erosteko, gaur da azkeneko eguna: Urumea, La Cepa, Parrita eta Zikuñaga tabernetan, 5 euroan.
ZIKUÑAGAKO JAIAK 2017
GAUR, asteazkena
17:00, Haurren pala txapelketa.
19:30, Zikutxampions futbolin txapelketa.
BIHAR, osteguna
17:00, Haurren esku pelota txapelketa.
20:00, Guraso eta seme-alaben arteko futbito partidua.
ETZI, ostirala
17:00, Buruhaundiak Las Pu’n’tilloren musikarekin alaituta.
18:00, 6 urtetik beherakoentzat moto lasterketa (kaskoa eta motoa eraman behar dira).
Ondoren, Txokolatada.
19:00, Apaxi ipuin kontalaria.
23:00, Zikuñaga Music Factory.
00:00, Kontzertua Patxuco Nice taldearekin.