Ikasturte berria prestatzeari ekin diote, beste urte batez, Hernanialdeko AEK euskaltegiek, tartean Astigarragakoak, eta lan hori aurrera eramateko, dagoeneko ireki dute matrikulaziorako epea.
Maila guztiak, eskaintzaren barruan
Aurten ere maila guztiak eskainiko dituzte: A1, A2, B1, B2, C1 eta C2a, hain zuzen. Horiek autoikaskuntzaren bidez edo eskola presentzialetan egin ahal izango dira, astean 2, 3 edota 4 orduz, eta eguneko edozein unetan.
Informazio zehatzagoa jasotzeko edota matrikulatzeko, Astigarragako AEK euskaltegira jo daiteke: Kultur etxeko lokalera, edo telefonoz dei eginez, 607 610 687 zenbakira.
Erakusketa hilaren 30era arte
Baina ikasturtea hasi aurretik, aurrekoa dute gogoan AEK euskaltegikoek. Hori gogorarazteko, iaz ateratako argazkiekin erakusketa jarri zuten astelehenean herriko hainbat tabernatan, eta hilaren bukaerara arte ikusi ahal izango dira.