Herriko koruak ere aste honetan hasi du ikasturte berria, hain zuzen, atzo izan zuten aurreneko entsaio-eguna, eta gaur izango dute bigarrena. Gizonezkoek entsaiatu zuten atzo (eta hala egingo dute asteartero 20:00etatik 22:00etara), eta gaurkoan emakumezkoak elkartuko dira aurrenekoz. Kultur etxean izango dira hori, gaueko 21:00etan hasita, ordubetez.
Entsaio irekia, etzi
Ostiraletan, aldiz, emakumezko eta gizonezkoek, denek batera egiten dute entsaioa, eta etzikoa, egingo duten aurrenekoa aprobetxatuko dute deialdi irekia egiteko. Abesbatzako kide izan nahi duen edonor gonbidatu eta animatu nahi dute. Kultur etxean izango da hau ere, 20:00etatik 22:00etara.