Bukatu dira aurtengoz, udarako oporrak, eta beraz, eskolara buelta egiteko garaia dute etxeko txikienek. Eta hala egingo dute, hain justu, Astigarragako Herri Eskolako ikasleek bihar.
Haur eta Lehen Hezkuntzako ikasleak
Denera 572 ikasle izango dituzte aurten, Haur eta Lehen hezkuntzan banatuta. Horietatik, 261 arituko dira HHn, eta 311, LHn. Eta denek hasiko dute bihar ikasturtea.
Aurreneko bi egunetan, bihar eta etzi, ordutegi trinkoa izango dute, beraz, goizez bakarrik joango dira eskolara, goizeko 09:00etatik eguerdiko 13:00etara.
Eta astelehenetik, hilaren 11tik aurrera, goiz eta arratsaldez: 09:00-12:00 eta 14:30-16:30 ordutegiarekin.
Aurten, 261 haur izango dira Haur Hezkuntzan; Lehen Hezkuntzan, aldiz, 311 gaztetxo.
Jolasgune berria, txikienek
Gainera, berrikuntza batekin hasiko dute ikasturtea, bereziki Herri Eskolako txikienek. Izan ere, udaran zehar egin dituzte jolasgune berriaren lanak, eta dagoeneko prest dago parkea 2 eta 5 urte bitarteko haurrek gozatu dezaten. 102 metro karratuko gunean, bi motatako jolasak daude batez ere, txirristrak eta eskalatzekoak.