Sartu da Zikuñaga auzoa ere, bere aste berezian! Bihar hasi eta igandera bitarte, bost egunez luzatuko dira Zikuñagako jaiak, eta aurreneko zita, bi txapelketarekin jarri dute: bihar 17:00etan hasita, haurren pala txapelketa jokatuko dute frontoian; eta 19:30etatik aurrera, Zikutxampions futbolin txapelketa izango da, ligako aurreneko sailkatuen artean jokatuko dena.
Bina ekintza izango dira bihar eta etzi, eta ostiral arratsaldetik aurrera, bete-betea dator egitaraua.
Ostegunean, berriz, esku pelota txapelketa izango dute haurrek, eta ondoren, futbito partidua jokatuko dute gurasoek eta seme-alabek; helduak edo gazteak nagusituko?
Paelladarako txartelak, bihar arte salgai
Igandera arte luzatuko dira festak, eta azkeneko egunean, paellada herrikoia egingo dute, eguerdiko 14:00etan. Bertan bazkaltzeko, txartelak salgai daude, Urumea, La Cepa, Parrita eta Zikuñaga tabernetan. 5 euro dira, eta bihar da erosteko azkeneko eguna.
BIHAR, asteazkena
17:00, Haurren pala txapelketa.
19:30, Zikutxampions futbolin txapelketa.
ETZI, osteguna
17:00, Haurren esku pelota Txapelketa.
20:00, Guraso eta seme-alaben arteko futbito partidua.
ETZIDAMU, ostirala
17:00, Buruhaundiak Las Pu’n’tilloren musikarekin alaituta.
18:00, 6 urtetik beherakoentzat moto lasterketa (kaskoa eta motoa eraman behar dira).
Ondoren, Txokolatada.
19:00, Apaxi ipuin kontalaria.
23:00, Zikuñaga Music Factory.
00:00, Kontzertua Patxuco Nice taldearekin.