Barrenetxea finalaren bila irtengo da gaur Utergaren aurka Galarretan

Endika Barrenetxeak buruz buruko Kutxabank Torneoko fina­laren bila irtengo da gaur, Utergaren aurka, txa­pelketa nagusiko final­erdian. Atzelari hernani­arraren hel­buru nagusia finalera iristea da eta horretarako aurrelari doneztebearra gainditu be­har­ko du. 
Pasa den urtean Barre­netxea finalera iritsi zen ligaxkan Uterga gainditu eta gero. Horrek aukera eman zion finalerdia Ionen aurka jo­katzeko eta ez Urrizaren kon­tra. Aurten berriz, Uter­gak 30-29 irabazi zion Barre­netxeari ligaxkako lehen­da­biziko partiduan, baina herna­­niarrak bigarren auke­ra bat edu­kiko du finalerako bi­dean. 
Barrenetxea gogotsu dago finalerdiaren aurreko egu­netan. «Tanto batengatik gal­du nuen ligaxkan eta sa­ke­arekin bost falta egin nituen. Hor joan zitzaidan partidua. Akats horiek gutxitu behar ditut eta motibatuta nago. Ligaxkako arantza atera nahi dut». 
Txapelketarik entzu­tetsuenean finalera iristea haundi da eta horri lortzeko Barrenetxeak ongi atera beharko du. Uterga aurrelari arriskutsua da eta tantoak erraz amaitzen ditu. Bien arteko norgehiagokak biziak eta orekatuak izan ohi dira eta gaurkoa ere horrela izatea espero da. Uterga oso aurre­lari erasokorra eta abi­lezia haundikoa da, Barre­netxe­aren ezaugarriak berriz desberdinak dira. Sakea eta pilotakada biziak ditu bere arma nagusiak eta bere jokua inposatzen saiatuko da.
Urriza faborito izango da finalean batek edo besteak irabazi
Garaileak Urriza aurkitu du finalean. Iruñako aurrelariak ligaxkako partidu guztiak irabazi zituen eta finalean ere faborito izango da.