Bizi-bizi dijoa aurtengo Buruz Buruko Kutxabank Torneoa, eta guztia azken hiru partiduetan erabakiko dela ematen du.
Gaur bertan, Urriza eta Barrenetxea IV ariko dira nor baino nor, ligaxkako azken partiduan, eta irabazleak, zuzenean irailaren 9ko finalerako sailkapena lortuko du. Galtzaileak, berriz, larunbat honetan jokatuko den finalerdian egin beharko du borroka, Utergaren kontra, finalera sailkatzeko azken ahaleginean.
Urrizak, hanka bat finalean
Lehengo urteko finalean elkarren kontra aritu ziren Barrenetxea IV hernaniarra eta Urriza, eta azken honek irabazi zuen txapela, laugarrenez.
Gauzak horrela, bera izango da gaurkoan, faborito. Gainera, Ezkurra IIri eta Utergari irabazita iritsiko da Urriza, gaurko partidura. Barrenetxeak IVa, berriz, Ezkurra IIari irabazi bazion ere, bi partiduetatik bat galduta iritsiko da; Utergaren aurrean galdu zuen, nahiz eta tanto bakar baten aldea besterik ez zuten izan.
Sakea izango du giltza hernaniarrak. Urrizak peloteoan emango du, seguru asko, bere onena. Emoziorik, behinik behin, ez da faltako!