URTERO, egun batez, ateak zabaltzen ditu Artikutzak, eta baimenik eskatu gabe, bertara gerturatzeko aukera izaten da; San Agustin egunean, gaur, hain zuzen.
Donostiako jabegokoa izan arren, Goizuetan dagoen parke natural honetan egun osoko festa egiten da, eta Urumea bailarako hainbat herritar bilduko da bertan seguru, lagun artean egunpasa egitera. Donostiako Udalak antolatzen diu ekitaldiak eta bere esku dago ateak irekitzea.
Meza, pilota partiduak, azoka egun osoan, herri kirolak eta musika
Goizean, 11:00etan, meza izango da, urtero bezala, eta ondoren, pilota partiduak.
Arratsaldean, berriz, herri kirol erakustaldia eta musika izango dira nagusi.
Era berean, egun osoan zehar artisauen azoka izaten da, eta jatekoak erosteko aukera ematen dute.
Kotxeak, urtegiaren bueltan
Egun honetarako kotxeentzako aparkalekua antolatzen da urtegiari buelta ematen dion pistan. Alde batetik sartu eta bestetik atera beharko da, eta beraz, aparkatzean kotxeari bueltarik ez emateko eskatu dute.
Kotxea utzita, 4,5 km-tako ibilbide polita egin daiteke, porteriatik abiatuta, lehen trena pasatzen zen bidetik.