Urtero bezala, marrazki eta pintura lehiaketarekin hasiko dute gaurko eguna Portu auzoan, eta umeentzako parkinga jarriko da segidan, 11:00etan hasi eta eguerdira bitartean. Ondoren Txapeteri omenaldia eskainiko zaio.
Jaiei hasiera ofiziala emango dien suziri jaurtiketa entzutetsua, berriz, eguerdiko 12:00etan botako da. Ordutik aurrera, igandera arte, etengabeko festa giroak hartuko du Portu auzoa, eta bertara gerturatzen den edonor.
Gaurko egunean zehar, urteroko zita garrantzitsuek bere tokia izango dute: haur jolasek, 17:00etan; lorontzi lehiaketak eta txokolatadak, 18:00etan hasita; eta sardin jate herrikoiak, iluntzeko 20:30etan hasita.
Eguna amaitzeko kontzertuak izango dira.
GAUR, ABUZTUAK 25
10:00, marrazki eta pintura lehiaketa.
11:00-13:30, haurren parkinga: puzgarriak, ohe elastikoak, parke txikia...
11:30, Txapeteri omenaldia.
12:00, jaiei hasiera emateko suziri jaurtiketa eta buruhaundi eta txistularien kalejira.
13:00, auzoko gazteek egindako marrazkien erakusketa.
16:00-19:00, haurren parkinga.
17:00, haur jolasak: zaku karrerak, lokotxak, aulki jokoa, ura eta irina.
18:00, lorontzi lehiaketa Txapeteren omenez.
Ondoren, txokolatada.
20:30, XXVII. Sardin jate herrikoia. Viguisa babestua.
23:00, Kontzertuak: Tacumah Reagge Band eta Potato
Jai Batzordeak eskerrik beroenak eman nahi dizkio ‘Hugo eta Eusebio’ Tiroko familia guztiari