HERNANIKO Udalak lehiaketa-oposizio libre bidezko hautaketa-prozesu bat ireki du haur, nerabe eta gazteen sustapenerako erdi mailako teknikarien lan poltsa osatzeko. Irailaren 11ra arte dago eskaerak aurkezteko aukera. Eskatutako titulazioa honakoa da: Gizarte zientzien arloko erdi mailako titulua, unibertsitateko diplomatura edo baliokideren bat.
Lehiaketan parte hartzeko eskaera orria bete behar da, Udaleko Herritarren Harrera Zerbitzuan (HHZ) eskuratu daiteke, baita GAOn ere (2017-08-22). Eskaerarekin batera, NANaren fotokopia, deialdian parte hartzeko eskatutako titulazioaren fotokopia, Hizkuntza Eskakizunaren egiaztagiria edo titulazioaren fotokopia eta merezimenduak egiaztatzen dituzten agirien kopiak entregatu behar dira. Horrez gain, dokumentazio osagarri gisa curriculuma gehitu beharko da.