Eta iritsi da. Azkeneko eguna izango dute gaurkoa ergobitarrek, aurtengo festez gozatzeko; horretarako, urtero bezala, Idi demen Sari Nagusia izango dute berrogeita hamahirugarrenez.
Aurtengoan, bost gonbidatu izango dituzte: Telleria Hernanikoa, Artola Oiartzungoa, Arzadun Aiakoa, Txokolate Errezilgoa, eta Oliden Oriokoa. Bi txandatan lehiatuko dira: aurrenekoa, 12:00etan hasiko da, eta bigarrena, arratsaldeko 18:00etan. Bost sari banatuko dituzte, bakoitzarentzat bana, eta beste bi sari ere izango dira: berezia eta itzai hoberenarena.
Barkaiztegi, txapeldun
Baina ez dira festetan zehar banatu dituzten sari bakarrak. Atzo, Sagardo Egunean, lehiaketa ere izan zen, eta hamasei partehartzaileetatik, hiru gailendu ziren: Barkaiztegi izan zen txapelduna; Petritegi, bigarrena; eta Oialume-Zar, hirugarrena.
Bestalde, herenegungo dantza suelto txapelketan, Lezoko Iker Belintxon eta Maider Aginaga izan ziren txapeldunak.
GAUR, ERGOBIAN:
12:00, Tximela S.A.k babestuta, Ergobiako LIII Sari Nagusia idi-demak. Gonbidatuak: Telleria Hernanikoa, Artola Oiartzungoa, Arzadun Aiakoa, Txokolate Errezilgoa, eta Oliden Oriokoa.
14:30, Bazkari ofiziala: fritoak, Iberiko sorta, zapoa plantxan eta azpizuna entsaladarekin, edaria, Goxua eta kafea.
18:00, Idi-proben bigarren txanda. Ondoren, sari banaketa. Bost sari desberdin, eta gainera, sari berezia izango da, itzai hoberenarentzat eta lehenengo 10 plazak azkarren egiten dituenarentzat.
19:30, Laiotz taldea.
23:00, Zezen suzkoa.
Ondoren, Laiotz jaien amaierara arte.