Aste Nagusiko I. Bandera jokatu zuten emakumezkoen traineruek herenegun, eta Donostiarra izan zen garailea, berak eskuratu zuen, beraz, etxeko bandera. Bigarren geratu zen Deustu; hirugarren izan zen Maialen; eta laugarren, Lea Artibai. Gipuzkoako Liga barruan jokatu bazuten ere, ez zen puntuagarria izan, eta Euskotren Ligako traineruek ez zuten parte hartu. Estropada Hernani Arraun Elkartea eta Donostiarraren artean antolatu zuten.