Antiguako Pilota Txapelketako finalerdietarako sailkatzea lortu zuen Iker Salaberria goizuetarrak, Logroñoko Sanchezekin, baina aurreneko finalerdian hankamotz geratu ziren asteazkenean, Zubiria eta Iruritaren kontra 22-17 galduta.
Hasieran, bazirudien Salaberria eta Sanchezek aurrea hartuko zietela Zubiria eta Iruritari; segituan esnatu ziren, ordea, eta poliki poliki, erdialdean Sanchezek galdutako pilota batzuk aprobetxattuta lortu zuten garaipena. Ondorioz, Salaberria eta Sanchez finaletik pixka bat aldendu dira, etzi sorpresa haundia eman ezean. Prieto eta Madariagaren kontra jokatuko dute bigarren finalerdia, arratsaldeko 19:00etan hasita, Antiguoko frontoian.