Atzo eman zieten hasiera Ergobiako jaiei, eta aprobetxatu zuten txupinazoa auzoan hiru urtez bizitako Imanol Urbieta musikaria omentzeko, duela hilabete hil baitzen. Eta auzoaren berotasuna jasotzeko, bertan izan zen Joxan Urbieta, bere semea, berak piztu zuen aurreneko etxeferoa. Segidan, minutu bateko isilunea egin zuten, Kataluniako gertaerak salatu eta elkartasuna adierazteko.
Bihar jarraituko du festak egun herrikoiarekin. Krosa izango da aurrena, 11:00etan, baino lehenago, eman ahal izango da izena. Arratsaldean, Irrien Lagunaken ikuskizuna eta dantza suelto txapelketa izango da, eta gauez, zaldi proba.
GAURKO EGITARAUA: EGUN HERRIKOIA
11:00, X. Kros Herrikoia (Bernardo Arzallusen XV. Oroimena).
14:00, Bazkari herrikoia karpan.
Menua: tomate entsalada, Gernikako piperrak, hegaluzea plantxan, txuleta, edariak, Ezeizako pastelitoak eta kafea.
17:30, Irrien Lagunakekin, Euskararen taupadak ikuskizuna Martinbertso eta Tiritatxorekin.
Era berean, izozkiak banatuko dira haurrentzat, Yalderen eskutik.
19:00, Ergobiko dantza suelto txapelketa. 10 bikotek hartuko dute parte, arin-arina eta fandangoa dantzatuz.
23:00, Zaldi proba. Ereñotzuko Paolla, Asteasuko Mendizabal, eta Hernaniko Zerainen zaldiek hartuko dute parte.
00:30, DJ Bull, Karpan.