Ordu batzuk besterik ez zaizkie geratzen Goizuetako fiestei agur esateko. Eta urtero bezala, Umore Ona peñaren egunarekin izanen da hori.
Gaurko egunean, beranduago hasiko da girotzen herria, 12:30etan eginen baitute eguneroko kale-buelta erraldoi eta buruhaundiek. Ordu berean hasiko dira esku pilota partiduak: umeenak, aurrena; eta Goizueta eta Aranoren artekoak, ondoren.
Bazkaria eta kalejira, Peñaren egunean
Baina eguneko bereziena izanen da Peñaren bazkaria ikastolan, eta ondorengo kalejira Igandea txarangarekin; horrek bai jarriko duela giroa herrian! Eta ondoren zezenak aterako dira plazara, azkeneko aldiz.
Fiestei bukaera emanen diete gauerdian Udaletxeko balkoitik, baina parrandak jarraituko du kontzertu, DJ eta txarangarekin!
GAUR, UMORE ONA PEÑAREN EGUNA
12:30, Erraldoiak eta buruhaundiak herrian zehar.
12:30, Pilota partiduak: umeen pilota partidua eta urteroko ohiturari jarraituz, Goizueta-Arano arteko lehia.
Ondoren, Igandea Txaranga.
15:00, Umore Ona peñaren bazkaria ikastolan.
17:00, Umore Ona peñaren kalejira Igandea txarangarekin.
Ondoren, Zezenak Lasturren eskutik.
20:00-21:30, Gabezin taldearekin dantzaldia plazan.
20:30, Goittikiren aldeko bingoa.
00:00, Udaletxe aurrean festen bukaera ekitaldia Igandea txarangarekin.
Segidan, Los Zopilotes Txirriaos eta Gabezin plazan.
Ondoren, DJ Bull ikastolan eta Igandea txaranga kaleetan zehar.