Atzo jokatu zen aurrenekoz, Emakumeen Hernaniko Bandera, Iparragirre Saria, eta Errenteriko Hibaika traineruak eskuratu zuen, 11:05,07 minutuko denborarekin. Bigarren izan zen San Juan, ia bi segundora; hirugarren izan zen Orio, zortzi segundora. Hernaniko Maialen traineruko neskak, aldiz, seigarren izan ziren, 11:26,40 denbora eginda, aurreneko postutik 21 segundora. Hau izan zen Gipuzkoako Traineruen Ligako azkeneko proba puntuagarria, eta beraz, Liga San Juanek eskuratu du.