Umeen Egunaren ondoren, herriko txikienek izan zuten berriro ere protagonismo osoa atzo eguerdian. Haiek izan ziren txupinazoa botatzeko ardura izan zutenak; Goizuetako etorkizunak, hain zuzen.
Baina tartetxo bat besterik ez zuen iraun, izan ere, gazteak izan ziren txikienei lekukoa hartu zietenak. Txupinazoaren aurretik hasi ziren bazkaritarako paellak prestatzen, eta bazkalostea luzatu zuten ordu txikietara arte.
Gaur, ajea igarotzeko eguna izanen dute, beraz, Amabirjin eguna. Orduan ere, ekintzaz betetako jardunaldia.
Goizeko 07:30etan joko dituzte aurreneko notak dultzaineroek; eta ordutik, denetarik izanen da: meza, prozesioa, bertsoak, bingoa... Eta zezenen aurreneko entzierroa!
GAUR,
AMABIRJIN EGUNA
07:30, Diana dultzaineroekin.
08:00, Entzierroa Lasturko zezenekin.
10:30, Meza nagusia eta ohiko prozesioa.
12:00, Erraldoiak eta buruhaundiak herrian zehar.
12:00, Pilota Partidak.
13:30, Igandea Txaranga
18:30, Bertso Saioa: S. Colina, M. Lujanbio, E. Lazkoz, eta I. Zubeldia. Gai-jartzailea: A. Zerain.
Ondoren, Igandea Txaranga.
20:30, Gottikiren aldeko Bingoa ikastolan.
21:30, DJ Mikeltxiren dantzaldia ikastolan.
21:45, Afari herrikoia, Umore Ona elkartean.
00:30, Kalejira.
Ondoren, Igandea txaranga.