Urteak daramazki Joe Linehan, hernaniartutako irlandarrak, Bidasoa Askatasun Bideak elkartearekin lanean, Bigarren Mundu Gerran naziengandik ihes egiteko bideak ezagutzera ematen.
Helburu horrekin, 4 ibilbide prestatu dituzte, ikasturte berrirako, eta izena eman edo informazioa eskatu daiteke: bidasoaeuskalpirineoak@gmail.com.
Aurreneko ibilbidea Comete sarean barrena egingo da irailaren 11n, nazioarteko ordezkariekin. Urriaren 22an, berriz, Charles Schepens mediku belgiarrak sortutako bidean barrena, Manex Sarotxar artzainak klandestinitatean lagunduta egiten zena, ezagutu ahal izango da. Mendiriz Mendik gidatuko du. 2018ko ekainean berriro egingo da hau, baina asteburu pasa. Eta laugarren ibilaldia, Donostialdeako ikasleekin egiteko antolaketa lanetan ari da elkartea.