Sukalde kontuekin hasiko dira gaur Goizuetan, gazte koadrilek paellak egiteko zita jarri baitute 11:00etan; kamixetak ere orduan jaso ahal izanen dira. Segidan botako dute txupinazoa, dagoeneko atzo festa giroan murgildu ziren herriko gaztetxoenek, eta erraldoi eta buruhaundiei segika, kalejiran, txosna ere irekiko dute.
Gazte bazkaria eginen dute eguerdiko 14:30etan Ikastolan; ondoen moldatu direnek janen dute paellarik goxoena!
Desafio biziaren zain
Arratsaldetik gauera, musika, gazte txupinazoa eta kontzertuak izanen dira, baina ikusmin berezia sortu duena, desafioa izan da.
Herriko 10 gaztek, bi taldetan banatuta lau proba egin beharko dituzte, bakoitza hiru aldiz: koxkorrak, trontzan hiru korte, zakua bizkarrean hartuta bi buelta eta aizkoran bi korte, 45 ontzako egurrean. Nor ote, iaioena denetan?
GAUR, GAZTE EGUNA eta AMABIRJIN BEZPERA
11:00, Goizueta Chef, Plazan.
12:00, Txupinazoa, jaiei hasiera emateko.
Ondoren, Erraldoiak eta Buruhaundiak, Igandea txarangarekin, eta txosna irekiera.
14:30, Gazte bazkaria, Ikastolan.
Ondoren, Musik Challenge.
18:00, Gazte Desapiyua.
19:30, Umore Ona Peñaren irteera txarangarekin, Ikastolatik.
20:00, Gazte txupinazoa, Gaztetxean.
20:30, Bingoa Goittikiren alde, Ikastolan.
23:00, Kontzertuak Gaztetxean: Kalera eta Zakill. Eta goizaldean, Afterra.
23:00, Dantzaldia Plazan, Laiotz taldearekin.
Ondoren, Igandea Txaranga.
AUTOBUSAK:
Goizuetatik, 09:00etan eta 15:00etan.
Hernanitik, 12:00etan (2) eta 19:00etan (2).