Ezin itxaferoa bota arte itxoin, eta gaur, Umeen Egunarekin jarriko dute festa giroa Goizuetan, nahiz eta Amabirjin jaiei hasiera ofiziala emanen dien itxaferoa bihar botako duten; umeek, baita ere.
Musika, goizean goizetik
Festa giroan murgiltzeko, ezinbestekoa izaten da musika, eta gaurkoan ere ez da faltako. Goizean goizetik hasiko dira Auroroak, Umore Ona koruaren eskutik, kaleak alaitzen, eta Irumaita Txarangak segiko die gero, 09:00etan.
Meza izanen da 11:00etan, eta haurrek bertako jantziak eramanen dituzte soinean. Segidan, pilota partiduak izanen dira, eta bazkaria, gero.
Arratsaldean, xexen eta poniak, espuma festa, eta berriro ere musika izanen dira, Plaza Irrintzika ekitaldian. Bingoarekin bukatuko dute.
Umeen Eguna pasata, Gazteena iritsiko da, bihar.
GAUR, UMEEN EGUNA
08:00, Auroroak, Umore Ona koruaren eskutik.
09:00, Irumaita Txaranga, herrian zehar.
11:00, Meza, haurrak bertako jantziekin dijoaztela.
12:30, Pilota partiduak, herriko pilota eskolako haurrekin.
14:00, Umeen bazkaria, Ikastolan.
16:30, Xexenak eta poniak plazan, Lasturren eskutik.
Ondoren, haurrentzako merienda, Guraso Elkartearen eskutik.
18:30, Espuma Festa, Plazan.
19:30, Plaza Irrintzika, Plazan.
20:30, Bingoa Goittikiren alde, Ikastolan.