Telefono Mugikorretarako Azkue Fundazioak sortu duen aplikazioa da Mintzatu, eta udarari begira lehiaketa bat jarri du martxan, euskeraz hitz egitea sustatzeko. Irailaren 24ra arte hartu daiteke parte bertan, eta hiru sari banatuko dira.
Hamaika lekutan, euskeraz
Lehiaketa honekin hainbat helburu lortzea espero du Azkue Fundazioak. Batetik, euskeraz egitea. Bestetik, euskerak sarean daukan presentzia haunditzea. Era berean, Mintzatu aplikazioaren beraren erabilera bultzatzea. Baita ere, euskeraz hitz egiten den lekuekin mapa osatzea, ahalik eta leku gehien etiketatuta. Azkenik, horri lotuta, toki horiei buruzko informazioa zabaltzen laguntzea.
Helburu horiek lortzeko, beraz, horixe da egin behar dena: aplikazioa erabili, eta euskeraz egiten dela entzutean, toki hori aplikazioan etiketatu. Mundu osoko lekuak etiketatu daitezke, eta nahi den guztietan egin daiteke, lehiaketak iraun bitartean.
Argazkiak egiteko produktu sorta, opari
Aplikazioa mugikorrean deskargatzeko www.azkuefundazioa.eus helbidera jo daiteke. Baina ordenagailuan ere erabili daiteke.
Parte hartzen dutenen artean, hiruk jasoko dute saria: leku berri gehien etiketatzen dituenak, aplikazioan bere burua leku ezberdin kopuru haundienean etiketatzen duenak eta hamaika leku berri azkarren etiketatzen dituenak. Denek, sari berdina lortuko dute: mugikorrarekin argazkiak eta bideoak egiteko produktu sorta.