Gipuzkoako Liga bukatzeko hiru jardunaldi besterik ez zaizkio geratzen Hernaniko nesken traineruari, eta ondo ari da lanean. Sailkapen orokorrean bosgarren dijoa, San Juan, Hibaika, Orio eta Arraun Lagunaken atzetik, eta Deusto, Donostiarra, Portugalete, Lea-Artibai eta Castreñaren aurretik. Larunbat honetan, Ondarrun aritu beharko dute, 17:30etan, eta hilaren 15ean, hernaniarrek antolatutako estropadan bertan, Donostian, Mundaiz eskolaren pantalanetik abiatuta; I. Iparragirre Sagardotegia Saria izango da.