Hamalau probako zirkuitua, eta hiru buelta eman beharra. Horixe, Andoaingo Goiburu auzoan, bertako Sega elkarteko taldeak eta Hernaniko Denontzat Gimnasiokoak jokatu beharreko desafioa. San Estebanetako jaietan murgilduta, pentsatzekoa zen etxekoak baldarxeago ibili zitezkeela. Baina etxekoen animoak jasotzea ere lagungarri izaten da, eta hantxe geratu zen garailearentzako bandera.
Hala ere, partehartzaile guztiek ederki pasa zutela ezin uka, eta baita ikusleek ere. Zintzo jokatu eta gozatu izanaren erakusle, argazki ederra atera zuten bi taldeek elkarrekin. Azken batean, segundo erdiko alde txikiak, denei jarri zien eskura, garaikurra dantzarazten zuen haize freskoarekin gozatzea.
Bandera hartzea eta ondo pasatzea, ezin hobeto bete zituzten bi helburuak.
Txalo zaparradak lagundutako zirkuitua
Bandera hartzea eta ondo pasatzea izan ziren desafio honetako helburu nagusiak, eta ikusleek animatzeko jotako txalo zaparradak asko lagundu zien ahaleginean.
Guztira, 14 proba egin zituzten partehartzaileek: laia, pirrinka, arrastaka, O.C.R., ingudea (10 altxaldi), soka-saltoa (40), kizkiarekin sagarrak biltzea, gurpila eramatea, txingak, arto-aletzea, lokotxak, harri-jasotzea (50 kiloko zilindroa sei aldiz), ahate-arrantza eta lasto fardoa eramatea.